विराटनगर । सशस्त्र प्रहरी बोर्डर आउट पोस्ट रानीले विराटनगर रानी क्षेत्रबाट स्रोत नखुलेको ७ लाख ७९ हजार भारतीय रुपैयाँसहित दुईजना भारतीय नागरिकलाई पक्राउ गरेको छ ।
शुक्रबार दिउँसो विराटनगर २ नम्बर ढाटबाट ७ लाख ७९ हजार भारतीय रुपैयाँसहित दुई जनालाई पक्राउ गरेको हो ।
पक्राउ पर्नेमा भारत विहारका ८१ बर्सिया राम नरेश सिंह र सवारी चालक ३३ बर्सिया रितेस जसवान रहेको छन् ।
उनीहरू भारतबाट नेपाल प्रवेश गरिरहेको अवस्थामा बी आर ०१ पीजी २११५ नम्बरको स्कारपीयो गाडी चेकजाँच गर्दा स्रोत नखुलेको रकमसहित पक्राउ परेका हुन् ।
पक्राउ व्यक्ति र भारतीय रुपैयाँ, गाडीको सम्बन्धमा थप अनुसन्धान गरिने भएको छ ।
