विराटनगर । मिस्टर नेपाल-२०२३ को उपाधि विराटनगरका समर्पण कार्कीले जितेका छन् ।
शनिबार अवेर सम्पन्न फिनालेमा मोरङ विराटनगरका ३२ वर्षीय कार्की मिस्टर नेपाल-२०२३ बनेका हुन् । उनी पेशाले पाइलट हुन् ।
साथै काठमाडौँका निमेष कपाली फस्ट रनरअप, काभ्रेका क्रिषल श्रेष्ठ सेकेण्ड रनरअप, चितवनका डा. विजयी दुवाडी थर्ड रनरअप र भक्तपुरका असिम लामिछाने फोर्थ रनरअप घोषित भए ।
उक्त अवसरमा १० विधामा सबटाइटलका विजेता समेत घोषणा गरियो । शीर्ष उपाधि जितेका कार्कीले मिस्टर इन्टलेक्चुअल सबटाइटल समेत जिते ।
फिनालेमा निर्णायकको भूमिकामा पूर्वमिस नेपाल माल्भिका सुब्बा, अभिनेत्री आँचल शर्मा, आयुष्मान घिमिरे, विश्वकरण जैन, लु लीन, मनिष डंगोल श्रेष्ठ, राजभाइ सुवाल र शैलजा अधिकारी थिए ।
