विराटनगर । विराटनगर ८ मधुमारास्थित नमुना विद्या मन्दिरले कक्षा ११ मा भर्ना भएका विद्यार्थीहरूलाई अभिमुखीकरण दिएको छ ।
विद्या मन्दिरले शुक्रबार कार्यक्रम आयोजना गरी कक्षा ११ मा भर्ना भएका विद्यार्थीहरूलाई अभिमुखीकरण गराएको हो ।
विस २०५० सालमा स्थापित विद्या मन्दिरले शैक्षिक सत्र २०८०-८१ बाट प्लस टु तर्फ व्यवस्थापन(म्यानेजमेन्ट)को कक्षा संचालन गरेको छ।
नमुना विद्या मन्दिरका प्रिन्सिपल शिव प्रसाद अधिकारीको अध्यक्षतामा भएको कार्यक्रममा प्रमुख अतिथि वडा नम्बर ८ का वडाध्यक्ष राम प्रसाद पोखरेल,शिक्षक एके दास,शुभास भण्डारी,इन्द्र बस्नेत,योगराज निरौला,प्रश्न प्याकुरेल,आरके मण्डल लगायतको उपस्थिति रहेको थियो।
कार्यक्रममा कक्षा १० र ११ का एक सय जना विद्यार्थीको सहभागिता रहेको नमुना विद्या मन्दिरमा जनाएको छ ।
