विराटनगर । विराटनगर–१४ स्थित एमएम प्लाष्टिक उद्योगमा आगलागी भएको छ । बुधबार बिहान आगलागी हुँदा करिब तीन करोड बराबरको क्षति भएको छ । उद्योगका सञ्चालक सुयेश प्याकुरेलका अनुसार बिजुली हाउस पावर हाउस रुममा सर्किट सर्ट भएर आगलागी भएको प्रारम्भिक अनुमान गरिएको छ ।
प्लाष्टिकका सामाग्री उत्पादन गर्दै आएको उद्योगको तीन तले भवनको भुइँ तलामा ‘युपिएस रूम’ रहेको थियो । उद्योगको पावर सप्लाई रुममा आगलागी भएपछि उद्योगको उत्पादन समेत रोकिएको छ ।
सञ्चालक प्याकुरेलले अझै ४–५ दिनमा पावर सप्लाई मिलाउन लाग्नेछ ।
मोरङ प्रहरी र विराटनगर महानगरपालिकाबाट गएका दुईवटा दमकलले करिब दुई घण्टापछि आगो नियन्त्रणमा लिएको थियो ।
