विराटनगर । नेपाल एशोसिएशन अफ टुर एण्ड ट्राभल एजेन्ट्स (नाट्टा) कोशी प्रदेशको सातौ अधिवेशन विराटनगरमा हुने भएको छ। आगामी भदौं २ गते शनिबार विराटनगरस्थित होटल एशियाटिकमा हुने भएको हो ।
नाट्टा कोशी प्रदेश अध्यक्ष उदयकुमार श्रेष्ठको अध्यक्षतामा सम्पन्न बैठकले विराटनगरमा नाट्टाको सातौं अधिवेशन गर्ने निर्णाय भएको वरिष्ठ उपाध्यक्ष पुण्य भट्टराईले जानकारी दिए । सातौ अधिवेशनले नयाँ नेतृत्व चयन गर्नेछ ।
सातौं अधिवेशन तयारीको काम तीब्ररुपमा भईरहेको नाट्टाका वरिष्ठ उपाध्यक्ष भट्टराईले जानकारी दिए । ‘भव्य सभ्य तरिकाले सम्मेलन गर्न हामी लागि परेका छौं,’ उनले भने, ‘अहिले तयारी तिव्र भइरहेको छ ।’
नाट्टाको बैठकमा अध्यक्ष श्रेष्ठले आफ्नो कार्यकालमा भएको ट्राभल एजेन्सी दर्ता शुल्क ५ लाख रुपैयाँबाट घटाएर १ लाख रुपैयाँ बनाएको, भारतका ८० भन्दा बढी ट्राभल व्यवसायीलाई सहभागी गराएर मेचीनगरमा पर्यटन सम्बन्धी कार्यक्रम गरेको, नेपालका २० भन्दा बढी पर्यटन व्यवसायीको साथमा भारतको सिलीगुडी, गुवाहाटी, र शिलोङ तथा ‘नर्थ इष्ट सेल्स मिसन ’ सम्पन्न गरिएको , बिर्तामोर्डमा हस्पिटल र पर्यटन व्यवसायीहरुको ५० भन्दा बढी स्टल सहित ‘हेल्थ टुरिजन मार्ट’ सम्पन्नलगायतका थुप्रै कार्यक्रम गरिएको जानकारी गराएको छ ।
कोशीमा नाट्टामा आवद्ध ६० जना सदस्य रहेका छन् ।
