विराटनगर । मोरङको सुन्दरहरैँचामा आइतबार दिउँसो भारतीय नागरिकको शव फेला परेको छ ।
सुन्दरहरैँचा नगरपालिका–१२ मा भारत उत्तर प्रदेश घर भएका २४ वर्षीय साजिक खानको शव पैनीमा डुबिरहेको अवस्थामा फेला परेको हो । शवको प्रकृति हेर्दा हत्या भएको हुनसक्ने प्रहरीले जनाएको छ ।
घटना शंकास्पद देखिएकाले अनुसन्धान अघि बढाइएको घटनास्थल पुगेका इलाका प्रहरी कार्यालय पथरीका डीएसपी लक्ष्मी भण्डारीले बताए।
खानको निधार, मुखलगायत शरीरका विभिन्न भागमा चोट लागेको र शव पोस्टमार्टमका लागि बीपी कोइराला स्वास्थ्य विज्ञान प्रतिष्ठान धरान पठाइएको छ । खानले भाँडावर्तन बनाउने फ्याक्ट्रीमा काम गर्ने गरेको प्रहरीले जनाएको छ ।
घटना बारेमा अनुसन्धान सुरु गरिएको प्रहरीले जनाएको छ।
