विराटनगर ।आईएनजी स्किल एकेडेमीसँगको सहकार्यमा विराटनगर इन्टरनेसनल कलेजमा 'फ्युचरामा २०२३’ नामक एक दिने प्राविधिक मेला कार्यक्रमको हुने भएको छ ।
विराटनगरमा भाद्र ८ गते शुक्रबारको दिन बिहान ८ बजे देखि ५ बजेसम्म उक्त प्रदर्शनी चल्नेछ । कार्यक्रममा बिद्यार्थीहरुले इन्टरनेट अफ थिंग्स (आईओटी), आर्टिफिसियल इन्टेलिजेन्स,लगायतका विभिन्न विषयहरूको बारेमा जानकारी पाउन सक्ने छन् ।साथै फ्युचरामा सहभागीहरूले एआई र रोबोटिक्स, वाकिङ पियानो, र गो कार्ट जस्ता चमत्कारहरू बनाउन ज्ञान आदानप्रदान समेत गर्न सक्नेछन् । साथै बिजनेसका पनि केहि प्रदर्शनी हुनेछन ।
आगामी ३०औं शताब्दीको रमाइलो कार रेस, एनिमेसन र भीएफएक्सको मनमोहक क्षेत्र, रिमोट कन्ट्रोलर स्मार्ट डस्टबिन लगायतका सामग्रीको प्रदर्शनी गरिने छ । उक्त कार्यक्रम काठमाण्डौ, इटहरीमा सम्पन्न भइ भदौ ८ गते विराटनगरमा र त्यसपछि चितवन, हेटौडा, पोखरा, वीरगन्ज, बुटवल, नेपालगन्ज, सुर्खेत, धनगढी लगायतका शहरहरू पनि उक्त प्रदर्शन हुनेछ।
