विराटनगर । विराटनगर-११ स्थित नेपाल विजनेश कलेज वि.वि.ए सातौं समेष्टरमा अध्ययनरत विद्यार्थीहरुले च्यारेटी-शो गर्ने भएका छन्।
आर्थिक अवस्था कमजोर भएका बालबालिकाहरुको लागि पठनपाठनमा सहयोग पुर्याउने उदेश्यले हिन्दी चलचित्र ‘जवान’ को विराटनगरमा च्यारेटी-शो गर्ने भएका हुन्।
चलचित्रको विशेष च्यारेटी-शो भदौ २१ गते बिहान ८ बजे सेन्ट्रल मल विराटनगरमा हुन लागेको हो ।
च्यारेटी-शोबाट उठेको रकमबाट आर्थिक अवस्था कमजोर भएका बालबालिकाहरुको लागि पठनपाठनमा खर्च गरिने वि.वि.ए सातौं समेष्टरमा अध्ययनरत विद्यार्थी मो.रासिद हुसेनले बताए ।
च्यारेटी-शो चलचित्रको ७० भन्दा बढी टिकट बिक्रि भईसकेको आयोजकले जनाएको छ।
