विराटनगर । विराटनगरमा भदौ १५ गतेदेखि जारी विद्यालयस्तरीय बास्केटबल प्रतियोगिताको सेमी-फाईनलमा एभरेष्ट, पोखरिया, बिकेभिएम र सगरमाथामा पुग्न सफल भएको छन् ।
विराटनगर बास्केटबल एकेडेमीको आयोजनामा संचालन भईरहेको विद्यालयस्तरीय बास्केटबल लिगमा लिग चरणको खेल सम्पन्न हुँदा ४ स्कुल सेमी-फाईनलमा पुग्न सफल भएका हुन् ।
होम एण्ड अवे फर्म्याटमा जारी लिगमा एभरेष्ट र बिकेभिएम लिग चरणका सबै खेल जित्दै कुल १२ अंक सहित आफ्नो ग्रुप बिजेता हुँदै सेमी-फाईनल प्रवेश गरे । त्यसैगरी पोखरिया र सगरमाथा कुल १० अंक सहित आफ्नो ग्रुप उपविजेता बन्दै सेमी-फाईनल प्रवेश गरेका छन्।
लिग चरणमा कुल २४ खेल भएका थिए । सबै सहभागी स्कुलले ६ खेल खेलेको प्रतियोगिताका संयोजक त्रिलोक बास्तोलाले जानकारी दिए।
पहिलो सेमी-फाईनल एभरेष्ट र सगरमाथा बीच भदौ २६ गते एभरेष्ट कलेजमा हुने छ । भने दोस्रो सेमी-फाईनल बिकेभिएम र पोखरियाबीच भदौ २६ गते बिकेभिएम स्कुलमा हुने संयोजक बास्तोलाले बताए।
प्रतियोगितामा सगरमाथा, बिकेभिएम, डिपिएस, डन बोस्को, एभरेष्ट, अरनिको, पोखरिया, सेन्टजोसेफ स्कुल सहभागि रहेका छन् । विद्यार्थीहरुमा रहेको प्रतिभाको प्रफुष्टन गर्दै बास्केटबल खेलको विकास गर्ने उद्देश्यले प्रतियोगिताको आयोजना गरिएको आयोजकले जनाएको छ।
