विराटनगर । प्रहरी दिवस २०८० को अवसरमा आयोजना गरिएका विभिन्न खेलकुद तथा विभिन्न विधामा पुरस्कृत हुनु हुने प्रहरी कर्मचारीहरुलाई प्रदेश प्रहरी प्रमुख प्रहरी नायव महनिरीक्षक राजेशनाथ बास्तोलाले पुरस्कृत गर्नु भएको छ ।
प्रहरी दिवसको अवसरमा कोशी प्रदेश प्रहरी कार्यालयमा आयोजना गरिएको एक बिशेष कार्यक्रमका बिच वहाँले पुरस्कृत गर्नु भएको हो । प्रहरी दिवसको अवसरमा संचालन गरिएको टेवल टेनिस सिंगल र डवल दुबै खेलमा प्रथम हुनु हुने प्रहरी वरिष्ठ उपरीक्षक राजन अधिकारी लगायत ब्याडमिन्टन तथा ५ किलोमिटर दौडमा प्रथम, द्धितिय र तृतिय हुने पुरुष तथा महिला खेलाडीहरुलाई र कार्यालय संचालन तर्फ बिभिन्न बिधामा उत्कृष्ट कार्य गर्ने प्रहरी अधिकृत तथा प्रहरी कर्मचारीहरुलाई मेडल, प्रसंशा पत्र र नगद पुरस्कारद्वारा पुरस्कृत गर्नु भएको हो ।
