विराटनगर । विराटनगरमा पहिलो पटक जनावरहरुको 'च्यारीटेबल पेट फेसन शो' हुने भएको छ ।
कात्तिक २३ गते दिउँसो ३ बजेदेखि ५ बजेसम्म विराटनगरको कञ्चनजङ्घा पार्टी प्यालेसमा फेसन शो हुने भएको हो ।
मान्छे र जनावर बीचको सम्बन्धलाई सुदृढ गर्न र विराटनगरमा उद्धार गरिएका जनावरहरूको लागि शेल्टर होम सुरु गर्ने भिजनका साथ एलिना एनिमल्स प्रिजर्भेसन नेपालले उक्त कार्यक्रमको आयोजना गर्न लागिएको आयोजकले जनाएको छ।
कार्यक्रममा घरमा पालिएको जनावरहरु बीचमा प्रतिस्पर्धा हुने छ । नि:शुल्क दर्ता गरेर आफ्नो जनावरलाई फेसन शोमा सहभागी गराउन सक्नु हुने छ ।
प्रतिस्पर्धामा उत्कृष्ट जनावरले विभिन्न पुरस्कार प्राप्त गर्ने छन्। साथै नि:शुल्क पशु चिकित्सक परामर्श पनि उपलब्ध गराउने आयोजकले जनाएको छ।
