विराटनगर । विराटनगर बरगाछीमा सोमबार बेलुका भएको दुर्घटनामा दुईजना घाईते भएका छन् ।
को १ ख ६४३६ नम्बरको बसले को ३४ प १०३५ नम्बरको मोटरसाइकललाई ठककर दिदाँ सवार दुईजना घाईते भएका हुन् ।
जिल्ला प्रहरी कार्यालय मोरङका प्रहरी नायव उपरीक्षक रन्जनकुमार दाहालका अनुसार मोटरसाइकलका चालक भोजपुर पौवादुम्बा–२ का सुर्यबहादुर राई र धरान–१७ का २० वर्षीय सुशिल राई घाईते भएका हुन् ।
मोटरसाइकल चालक भोजपुरका सुर्यबहादुरको टाउको र छातीमा चोट लागेको छ । उनको अवस्थामा गम्भीर रहेको र अन्यूरो अस्पतालमा उपचार भईरहेको छ । यसैगरी धरानका सुशिलको टाउको र मुखमा चोट लागेको र गोल्डेन अस्पतालमा उपचार भईरहेको प्रहरीले जानकारी दिइएको छ । उनको अवस्था मध्यम रहेको बताइएको छ ।
