विराटनगर । विराटनगरमा'मिनी बीबीए फेस्ट' बास्केटबल प्रतियोगिता हुने भएको छ।
विराटनगर बास्केटबल एकेडेमीको आयोजनामा पुस १० गते सगरमाथा स्कुलको बास्केटबल कोर्टमा प्रतियोगिता हुने भएको हो ।
सानो उमेर समूह देखीनै बालबालिकाहरुमा रहेकी प्रतिभाको प्रफ़ुष्टन गर्दै बास्केटबल खेलको विकास गर्ने उद्देश्यले प्रतियोगिताको आयोजना गरिएको आयोजकले जनाएको छ।
प्रतियोगितामा मोरङका स्कुल र क्लबहरुबाट पुरुष र महिलाको १०/१० वटा टिम सहभागी हुने कार्यक्रम संयोजक दिपेश कटवालले जानकारी दिए ।
यु-१४ पुरुष र यु-१८ महिला गरी एकै दिन दुई वटा प्रतियोगिता हुनेछ।
प्रतियोगितामा सहभागीता जनाउन इच्छुक टीमका लागि पुस ८ गतेसम्मका लागि रजिष्ट्रेसन खुल्ला गरिएको संयोजक कटवालले बताए।
प्रतियोगीताको विजेतालाई ट्रफी,मेडल र प्रमाणपत्रको व्यवस्था रहेको आयोजकले जनाएको छ।
