विराटनगर । विराटनगर महानगरपालीका वडा नम्बर ६ केशलियामार्गबाट स्रोत नखुलेको १९ लाख ९० हजार रुपैयाँसहित एक व्यक्ति पक्राउ परेका छन् ।
मोरङ प्रहरीले बुधबार दिउँसो विराटनगरको केशलियाबाट सुनसरी देवानगंज ५ साहेवगंजका ४९ बर्षिय सुरे प्रसाद साहलाई पक्राउ गरेको हो ।
प्रहरीले शंखा लागि सोधपुछ गर्ने क्रममा उनले रकमको कुनै पनि स्रोत भन्न नसकेपछि नियन्त्रणमा लिएको मोरङ प्रहरीले जनाएको छ ।
पक्राउ गरिएका साहको साथबाट नगद सहित को ७ प ५२२१ नम्बरको सुपर स्प्लेन्डर मोटरसाईकल र एक सेट मोवाईल नियन्त्रणमा लिई थप अनुसन्धान गरी राजस्व ईटहरीमा पठाउने तयारी रहेको जिल्ला प्रहरी कार्यलय मोरङका प्रहरी प्रवक्ता डिएसपी रन्जन कुमार दाहालले जानकारी दिनुभयो ।
