विराटनगर । नेपाल प्रहरी श्रीमती संघ कोशी प्रदेश संघले विराटनगरमा रहेको एक विद्यालयका विद्यार्थीहरुलाई शैक्षिक सामाग्री वितरण गरेको छ ।
विराटनगरमा रहेको गोग्राहा माध्यामिक विद्यालयका विद्यार्थीहरुलाई एक कार्यक्रमबीच विद्यार्थीलाई आवश्यक पर्ने शैक्षिक सामग्री वितरण गरिएको हो ।
नेपाल प्रहरी श्रीमती संघ कोशी प्रदेश संघकी अध्यक्ष अजिता देवकोटा बास्तोलाको प्रमुख आतिथ्यतामा दुई दर्जन भन्दा बढी शैक्षिक सामाग्री अन्तर्गत स्कुल व्याग, कपी, पेन्सिल तथा खाजाको रुपमा बिस्कुट समेत वितरण गरिएको थियो ।
विद्यालयमा अध्ययनरत फरक क्षमता भएका विद्यार्थीहरुलाई सेवा नै धर्म हो भन्ने भावनाका साथ शैक्षिक सामाग्री वितरण गरिएको संघले जनाएको छ ।
यसअघि पनि नेपाल प्रहरी श्रीमती संघ कोशी प्रदेशले विभिन्न स्थानमा सामाजिक कार्य गर्दै आएको छ ।
