विराटनगर । विराटनगर हार्डवेयर व्यवसायी संघको अध्यक्षमा प्रमोद अग्रवाल चयन भएका छन् ।
सोमबार विराटनगरमा सम्पन्न हार्डवेयर व्यवसायीको भेलाबाट अध्यक्षमा अग्रवाल सर्वसम्मत रुपमा चयन भएका हुन्।
त्यसैगरी प्रथम उपाध्यक्षमा भानु पौडेल, द्वितीय उपाध्यक्षमा कमल अग्रवाल, महासचिवमा देवीप्रसाद पोखरेल, सचिवमा जीतेश कोइराला र कोषाध्यक्षमा भरतकुमार खेतान चयन भएका छन् ।
सदस्यहरुमा क्रमश:शंकर थापा, गोविन्द अग्रवाल, अमित सिंगल, अनन्त निरौला, मुकुल दाहाल, ज्ञानेन्द्रप्रसाद भट्टराई, किरणशंकर साह र अभिषेक केडिया रहेका छन् ।
कार्यक्रममा विराटनगर महानगरपालिकाभित्र हार्डवेयर व्यवसाय गर्दै आएका दुई सय ५० जना व्यवसायी सदस्यहरुको सहभागिता रहेको थियो।
