विराटनगर माघ ९ ,
विराटनगरमा रोबटिक्स एसोसिएसन अफ नेपाल इस्टको आयोजनामा २ दिने कोशी मिनी यन्त्र २.0 आयोजना हुने भएको छ । विराटनगरको महेन्द्र मोरङ कलेजमा आयोजना हुन लागेको उक्त कार्यक्रममा कक्षा १२ देखि स्नातक पढिरहेका बिद्यार्थीहरुको सहभागिता राहनेछ ।
कार्यक्रम माघ १४ र १५ गते आयोजना हुने कार्यक्रम संयोजक बिनिलराज अधिकारीले जानकारी दिए । कार्यक्रममा रोबो रेस, प्रोजेक्ट कम्पिटिशन, स्पेस भ्रमण साथै प्यानल डिस्कशन समेत हुनेछ । कार्यक्रममा बिद्यार्थीहरुले आइटी क्षेत्रसंग सम्बन्धित बिभिन्न जानकारी पाउन सक्ने आयोजक अधिकारीले बताए ।
कार्यक्रमको मिडिया पार्टनर आवर विराटनगर रहेको छ ।
