विराटनगर । युवा उद्यमशीलता प्रवद्र्धनको माध्यमबाट आर्थिक एवं औद्योगिक विकासमा योगदान पु¥याउने उद्देश्यले उद्योग संगठन मोरङले संचालनमा ल्याएको स्टार्टअप एण्ड इनोभेशन कार्यक्रम अन्तर्गतका तेस्रो चरणमा सहभागि १८ स्टार्टअपहरुले आफनो आईडियाको प्रस्तुती गरेका छन ।
संगठनले सामाजिक उत्तरदायित्व अन्तर्गत संचालनमा ल्याएको स्टार्टअप एण्ड इनोभेशन कार्यक्रमको माध्यमबाट युवालाई स्वदेश मै उद्यमशिलता विकासतर्फ अभिप्रेरित गर्ने कार्यक्रममा सहभागिले आफ्नो आईडिया सुनाएका हुन् ।
उद्योग संगठनका अध्यक्ष्ँ राकेश सुरानाले नविन व्यवसायिक अवधारणा भएका युवाहरुलाई लक्षित गरी संचालित कार्यक्रमले उद्यमशिलता रुपान्तरणका लागि मेन्टरहरुका माध्यमबाट आवश्यक प्राविधिक एवं व्यवसायिक विकास सेवाहरु उपलब्ध गराई वित्तीय व्यवस्थापनका लागि सहजीकरण गर्ने अध्यक्ष सुरानाले स्पष्ट पारे ।
युवा पलायन सबै क्ष्ँेत्रका लागि चिन्ताको विषय भएको वताउदै आर्थिक विकासका सम्वाहकका रुपमा रहेको यस वर्गलाई स्वदेश मै व्यवसायीक विकासको अवसर प्रदान गर्नु सबैको दायित्व भएको अध्यक्ष सुरानाले धारणा राखे ।
कार्यक्रममा विराटनगर महानगरपालिकाका मेयर नागेश कोईरालाले युवा उद्यमशिलता विकासका सन्दर्भमा महानगरपालिका सदैव हातेमालो गर्न तत्पर रहेको वताए । स्र्टाटअप कार्यक्रम अन्तर्गत तेश्रो चरणमा सहभागि भएका अठ्ठार स्टार्टअप मध्ये उत्कृष्ट तीनलाई महानगरपालिकाको तर्फबाट सहयोग गर्ने प्रतिवद्धता व्यक्त गरे । उनले शुन्यबाट शुरु गरेर शिखरसम्म पुग्न सफल विश्वका स्टार्टअपहरुको उदाहरण दिदै युवाहरुलाई आफुमा निहित शिपको व्यवसायीक विकासका लागि सदैव दत्तचित भएर लाग्न सुझाव दिए ।
संगठनको स्टार्टअप एण्ड ईनोभेशन कार्यक्रमका संयोजक सुरेन्द्र गोल्छाले विश्वका उदयीमान स्टार्टअपहरुमा युवा वर्गको वर्चश्व रहेको वताउदै देशको आर्थिक समृद्धिमा यो वर्गले अग्रसरता लिनुपर्ने धारणा राखे । उनले संगठनले युवा उद्यमशिलता विकासका लागि गरेको यस पहललाई सफल वनाउन सबैलाई आग्रह गरे । तेश्रो चरणमा सहभागि स्टार्टअपहरुलाई व्यवसायीक मोडलका रुपमा विकास गर्न वजार व्यवस्थापन, कर प्रशासन, मानव संशाधन व्यवस्थापन लगायतका विषयमा परामर्श प्रदान गरी वित्तीय श्रोत व्यवस्थापनका लागि एन्जल ईन्भेष्टर मार्फत लगानी व्यवस्थापनमा सहयोग गरिने उनले जानकारी दिए ।
कार्यक्रममा सहभागि स्टार्टअप उद्यमीहरुले आफनो अवधारणा तथा व्यवसायका बारेमा लगानीकर्ता एन्जल ईन्भेष्टर, व्यवसायीक सेवा प्रदायक, मेन्टर तथा समितिका सदस्यहरु समक्ष्ँ प्रस्तुती गरेका थिए । संगठनले वितग तीन वर्ष देखि संचालन गर्दै आएको यस कार्यक्रमको पहिलो चरणमा १७ र दोश्रो चरणमा १३ जना स्टार्टअपहरु ग्राजुएट भईसकेका छन ।
