विराटनगर । विराटनगरमा एक दिने खुल्ला बास्केटबल प्रतियोगिता सम्पन्न भएको छ।
शनिबार अर्बन स्पोर्टसको आयोजनामा भएको खुल्ला बास्केटबल प्रतियोगिता सम्पन्न भएको हो।
प्रतियोगितामा महिला र पुरुष गरी जम्मा १९ वटा टिमको सहभागिता रहेको आयोजक जनाएको छ।
उक्त प्रतियोगितामा पुरुषतर्फको विराटनगर बास्केटबल एकेडेमी प्रथम, द व्वाइज द्वितीय भएको छ। भने महिलातर्फ विराटनगर बास्केटबल एकेडेमी 'ए' प्रथम र विराटनगर बास्केटबल एकेडेमी 'बी' द्वितीय भएको कार्यक्रम संयोजक संचेप श्रेष्ठले जानकारी दिए ।
प्रतियोगिताको उत्कृष्ट खेलाडी पुरुषतर्फ त्रिलोक बास्तोला र महिलातर्फ प्रगती कायस्थ घोषित भएका छिन्।
प्रतियोगीताको विजेतालाई पुरुषतर्फ ७ हजार नगद, द्वितीयलाई ४ हजार नगद, महिलातर्फको विजेतालाई २ हजार नगद, द्वितीयलाई एक हजार ५ सय नगद र ट्रफी,मेडल र प्रमाणपत्र नेपाल बास्केटबल संघका उपाध्यक्ष बिनायक पन्त,कोशी प्रदेश बास्केटबल संघका सचीव सरोज लम्साल,एक्सेस एजुकेशन विराटनगरका संचालक सरोज बस्नेत लगायतले पुरस्कार वितरण गरेका थिए।
