विराटनगर । हिन्दु सम्राट नेपालले सरस्वती पूजाको दिन अश्लील गीत नबजाउन माग गर्दै जिल्ला प्रशासन कार्यालय मोरङमा ज्ञापन पत्र बुझाएको छ ।
मंगलबार मोरङका प्रमुख जिल्ला अधिकारी प्रेमप्रसाद भट्टराईलाई सम्राटले ज्ञापनपत्र बुझाएर अश्लील गीत र कपडा नलगाउन आग्रह गरेको हो ।
फागुन २ गते बुधबार सरस्वती पुजा रहेको छ । विद्यालय, मठमन्दिर धार्मिक स्थलहरुमा अश्लील गीत नबजाउन र साधारण पोशाक लगाउन आग्रह गरिएको छ ।
हिन्दु सम्राट नेपाल मोरङका संयोजक प्रियांशु कुमार कर्णले विगत केही वर्षदेखि विभिन्न शिक्षण संस्थामा समेत दोहोरो अर्थ लाग्ने गीतहरु बज्ने गरेको बताए । उनले यसलाई रोक्का लागि स्थानीय प्रशासनसँग आग्रह गरेको जानकारी दिए ।
