विराटनगर । लिम्बू समुदायको सांस्कृतिक कथामा आधारित चलचित्र 'सुगुप' विराटनगरमा पनि प्रिमियर गरिने भएको छ ।
आगामी फागुन २८ गते सोमबार सेन्ट्रल मलमा प्रिमियर हुने भएको निर्माण पक्षले जनाएको छ ।
लिम्बू जातीमा प्रशव व्यथाका कारण मृत्यु हुने महिलालाई सुगुप भएको भन्ने प्रचलन छ । सोहि विषयमा केन्द्रित रहेको फिल्म विराटनगरमा पनि प्रदर्शनी गरिने भएको हो ।
लोकेन साँवाको निर्देशनमा बनेको फिल्ममा , विराटनगरकी सुम्निमा खापुङ प्रेम सुब्बा, बबिता नेयोङहाङ, मौसम इम्बुङ लिम्बु लगायतको अभिनय रहेको छ। देबेन्द्र खापुङको पटकथा रहेको सुगुपको प्रस्तुतकर्ता रबिनकुमार नाल्बो हुन् । फिल्मको छायाँकन युवराज राईले र सम्पादन बिपिन मल्लले गरेका छन् ।
