विराटनगर । विराटनगर–५ मा रहेको मदरल्याण्ड एकेडेमीले सरस्वती पूजाको अवसरमा भजन किर्तन प्रतियोगिताको आयोजना गरेको छ ।
स्कुल प्राङगणमा बिहिबार राती सम्पन्न भएको भजन किर्तन प्रतियोगिताको उपाधि पोखरियाको राम जानकी आम समुहले जितेको छ । त्यस्तै श्याम श्याम भजन किर्तन टोली दोस्रो तथा शान्ती भजन किर्तन समुह तेस्रो भयो । विजेताले नगद १५ हजार, दोस्रो हुनेले नगद १० हजार र तस्रो हुनेले नगद ७ हजार सहित पुरस्कार पाएका थिए ।
भजन किर्तन प्रतयोगितमा विराटनगरका १३ वटा भजन किर्तन टोली भहभागि रहेको थियो । विजेतालाई विराटनगर महानगरपालिकाका मेयर नागेश कोइराला र स्कुलका प्रिन्सिपल मोहन बुढाथोकीले वितरण गरेका थिए ।
