विराटनगर । राष्ट्रिय समाचार समितिले पत्रकार मनोज दाहाललाई उत्कृष्ट राससकर्मी पुरस्कार प्रदान गरेको छ ।
सरकारी समाचार संस्था राससको ६३ औँ स्थापना दिवसको अवसरमा आइतबार विराटनगरमा आयोजित कार्यक्रममा दाहाललाई पुरस्कृत गरिएको हो । दाहाल विराटनगरलाई कार्यक्रम क्षेत्र बनाएर राससका लागि काम गरिरहेका छन् ।
नगद २० हजार रुपैयाँसहित सम्मान पत्रले उनलाई सम्मान गरिएको हो । कोशी प्रदेशका आन्तरिक मामिला तथा कानुन राज्यमन्त्री सुनिता कुमारी गुरुङले सम्मान प्रदान गरेकी हुन् ।
रासस कोशी प्रदेश प्रमुख मो.सदरुलले रासस केन्द्रीय कार्यालयले देशभरका राससकर्मी मध्ये तीन जनामा कोशी प्रदेशबाट दाहाललाई पुरस्कृत गरिएको जानकारी दिए ।
