विराटनगर । विराटनगर–१२ मा कुकुरले बाख्रा मारेर हैरान पारेको छ ।
यस अगाडी विराटनगर–१२ गणेश मन्दिर आसपासका घरहरुमा पालेका बाख्रालाई टोकेर मार्ने अनि खाने गरेका कुकुरले मंगलबारे टोलमा पुनः बाख्रा मारेको छ ।
बारम्बार बाख्रा खाने गरेका कुकुरको महानगरपालिकाको नगर प्रहरीले खोजी गरेपनि पक्रन सकेन । त्यसपछि केहि समय रोकिएपनि पुनः कुकुरले बाख्रा मारेर खान थालेको छ । यस अगाडी स्थानीय माला सहनीको बाख्राको पाठा कुकुरले मारेर पुसमा खाएको थियो ।
असोजदेखि यता ७–८ वटाको संख्यामा बाख्रा मारेको कुकुर फेरी पल्किएको हो । पशु अधिकारको संरक्षणका हिसाबले कुकुर मार्न पाइदैन । तर, पशु अधिकारको संरक्षण गर्दागर्दै बाख्रा मारेर भने हैरान बनाईरहेको छ ।
