विराटनगर । नेपाल क्रिकेट फाउण्डेशन र मोरङ जिल्ला क्रिकेट सँघको सयुक्त आयोजनामा विराटनगरको वैजनापुर क्रिकेट मैदानमा भएको अन्तर-स्कुल क्रिकेट प्रतियोगितामा मनकामना स्कुल र नेपाल गुरुकुल स्कुल विजयी क्वाटरफाइनलमा प्रवेश गरेका छन् ।
मंगलबार भएको पहिलो खेलमा मनकामना स्कुलले डिएभी स्कुललाई ३९ रनले पराजित गरेको छ । टस जितेर ब्याटिङ गरेको मनकामनाले निर्धारित निर्धारित २० ओभरको खेलमा १९ दशमलव ३ ओभरमा सबै विकेट गुमाई १ सय १ सय ४७ रन बनाएको थियो । जस्मा म्यान अफ द म्याच लक्षमण तत्माले सर्वाधिक ५३ रन बनाए । डिएभीका प्रशान साहले ४ विकेट लिए ।
१ सय ४८ रनको लक्ष्य पछ्याएको डिएभीले १९ दशमलव ५ ओभरमा सबै विकेट गुमाई ९८ रनमा सिमित भयो । जस्मा प्रसनव कणर्ले २३ रन बनाए । मनकामनाका अमन अन्सारीले ३ विकेट लिए ।
दोस्रो खेलमा नेपाल गुरुकुल स्कुलले श्री पञ्चायत स्कुललाई ५८ रनले पराजित गरेको छ । टस जितेर ब्याटिङ गरेको नेपाल गुरुकुलले निर्धारित २० ओभरको खेलमा सबै विकेट गुमाई १ सय २ रनको योगफल तयार पारेको थियो । जस्मा अधा फिरोजले ३० रनको योगदान दिए । श्री पञ्चायतका मनिष थापा र संविधान लिम्बुले ३-३ विकेट लिए ।
१ सय ३ रनको विजयी लक्ष्य पाएको श्री पञ्चायतले १४ दशमलव २ ओभरमा सवै विकेट गुमाई ४४ रनमा सिमित भयो । श्री पञ्चायतका कुनै पनि ब्याटरले दोहोरो अंकलाई छुन सकेनन् । नेपाल गुरुकुलका म्यान अफ म्याच थोमश कणर्ले सर्वाधिक ३ विकेट लिए ।
