विराटनगर । विराटनगरको दिल्ली पब्लीक स्कुलले स्कुल स्तरीय फुटबल प्रतियोगिता गराउने भएको छ । दिल्ली पब्लीक स्कुलको खेल मैदानमा फागुन २५ गतेदेखी २९ गते सम्म हुने बारे स्कुलले बिहीबार पत्रकार सम्मेलन गरी जानकारी दिएको छ । प्रतियोगितामा विराटनगरका ७ वटा स्कुलले सहभागिता जनाएको स्कुलका प्रिन्सीपल भिम बहादुर लिम्बुले जानकारी दिनुभयो ।
प्रतियोगितामा दिल्ली पब्लीक स्कुल, मदर ल्याण्ड स्कुल, मोर्डन एरा, कोशी मोडेल , गोदावारी स्कुल , राईजिङ नेपाल, हेरिटेज स्कुलको सहभागिता हुने प्रतियोगिताका संयोजक सुमित डंगोलले जानकारी दिनुभयो ।
प्रथम दिल्ली पब्लीक स्कुल रनिङ शिल्ड कप २०८० फुटबल प्रतियोगितामा ५० मिनेट रहने आयोजक स्कुलले जनाएको छ । विजेता स्कुललाई शिल्ड कप, प्रमाण सहित मेडल प्रदान गरिने भएको छ ।
