विराटनगर । सुनसरीको हरिनगर गाउँपालिका १ भुटाहामा दुई समूहबीच भएको झडप नियन्त्रणका लागि प्रहरीले छ राउण्ड हवाई फायर गरेको छ । भुटाहामा एक युवकलाई कुटपिट गरेको घटनामा विवाद उत्पन्न हुँदा दुई समुहबीच झडपको अवस्था सिर्जना भएको हो ।
स्थिति नियन्त्रणमा लिन प्रहरीले ६ राउण्ड हवाइ फायर र ११ राउण्ड अश्रूग्यास पनि प्रहार गरेको छ । स्थानीय प्रशासनले अनिश्चितकालीन निषेधाज्ञा जारी गरेको गरिसकेको छ ।
कोशी प्रदेश प्रहरी प्रवक्ता प्रहरी उपरीक्षक दीपक पोखरेलका अनुसार दुई पक्षबीचको झडपमा चार जना सामान्य घाइते भएका छन् । घाइतेको उपचारका लागि विराटनगर ल्याइएको छ ।
