विराटनगर । दोस्रो मिल्स भेट्रान्स गोल्डकप फुटबल प्रतियोगिताकाे उपाधि माेरङकाे ग्रामथान भेट्रान्सले जितेकाे छ ।
विराटनगर जुट मिलको खेलमैदानमा शनिबार सम्पन्न भएको फाइनलमा हाम्रो धरान भेट्रान्स क्लबलाई १–० गोलले हराउँदै ग्रामथान भेट्रान्सले उपाधि जितेकाे हाे ।
जितसंगै ग्रामथानले नगद ६१ हजार र ट्रफि पायाे । उपबिजेता बनेकाे धरानले ३१ हजार रुपैयाँमा चित बुझायाे ।जितकाे लागि निर्णायक गाेल ग्रामथान भेट्रान्सका महेन्द्र खवासले गरे । उनी खेलकाे म्यान अफ द फाइनल घाेषित भए । म्यान अफ द श्रीरिज धरानका तिर्थ बहादुर मगर र हाइस्काेर ग्रामथानका मित्र बहादुर बस्नेत घाेषित भए । उनले खेल अवधिभर ६ गाेल गरेका थिए । प्रतियाेगितामा बिजेता हेने खेलाडीलाई पुरस्कार बितरण नेपाल खेलकुद महासंघका अध्यक्ष पशुराम बस्नेत र विराटनगर १६ का वडाअध्यक्ष प्रकाश साहले गरे । मिल्स भेट्रान्स फुटबल क्बल रानीको आयोजना सुरुमा भएको प्रतियोगिता चैत २४ गतेसम्म संचालन भएको प्रतियोगितामा कोशी प्रदेश भित्रका १४ वटा भेट्रान्स फुटबल क्लबहरुको सहभागि रहेको मिल्स भेट्रान्सफ क्बलका अध्यक्ष राजु थापाले जानकारी दिए ।
