रबिन्द्र बराल
विराटनगर । मोरङको रङ्गेली नगरपालिका ३ स्थित आमतोलामाफर्निचर र ग्यारेजमा आगलागी हुँदा ८० लाख बराबरको क्षति भएको छ। चार वर्षदेखि सञ्चालित सृष्टि फर्निचर र अनिषा ग्रिल सटर उद्योगमा आगलागी भएको हो ।
बिहीबार बिहान श्यामकुमार मण्डल सञ्चालक रहेको फर्निचरमा लागेको आगोले तयारी अवस्थामा रहेका सोफा, कुर्सी, विभिन्न मेशिन, आरा मिल लगायत जलेर नष्ट भएका छन् । यसैगरी कृपानन्द यादव सञ्चालक रहेको ट्याक्टर ग्यारेजमा आगलागी हुँदा लेथ मेसिन, ग्यास कटर, ग्यास बेल्डर, ड्रिल मेसिनसहितका सामाग्री जलेर नष्ट भएका छन् ।
३ः३० देखि लागेको आगो नेपाल प्रहरी , स्थानियवासी, रङ्गेली नगरपालिकाको दमकल र कानेपोखरी नगरपालिकाको दमकलको सहायताले ५ बजे नियन्त्रणमा लिइएको इलाका प्रहरी कार्यालयका सन्तोष खड्काले जानकारी दिएका छन्।
