विराटनगर । मोरङ जिल्ला अदालत अगाडीबाट मोटरसाईकल चोरी गर्दै गरेको अवस्थामा भारतीय नागरीक पक्राउ परेका छन् । मंगलबार दिउँसो अदालत अगाडिको सडकमा पार्किङ गरेर राखेको २ वटा मोटरसाईकलको लक खोल्ने क्रममा मोरङ प्रहरीले दुई भारतीय नागरीकलाई नियन्त्रणमा लिएको हो ।
प्रदेश १—०२०४४—७०२९ नम्वरको कालो रङको अपाच्ची र को ८ प ८८६८ नम्बरको हिरो हन्डा मोटरसाईकल चोरी गर्ने २ जना भारतीय नागरिकलाई नियन्त्रण लिन सफल भएको हो । पक्राउ पर्नेमा भारतको मिरगंज ठेगाना भएका मो. एैलान र मो. सादिक रहेको जिल्ला प्रहरी कार्यालय मोरङका प्रवक्ता ज्ञानेन्द्र बस्नेतले जानकारी दिए । पक्राउ परेका दुवैलाई जिल्ला अदालतबाट म्याद थप गरी अनुसन्धान थालेको मोरङ प्रहरीले जनाएको छ ।
