विराटनगर। विराटनगरमा डीपीएस स्कुलको आयोजनामा 'समर क्याम्प २०२४' हुने भएको छ।
जेठ २७ गतेदेखि असार ७ गतेसम्म समर क्याम्प संचालन हुने भएको हो।
८ वर्षदेखि १६ वर्ष उमेर समुहका विद्यार्थीहरुलाई विभिन्न खेलहरुको विशेष प्रशिक्षण दिने उदेश्यले समर क्याम्पको आयोजना गरिएको कार्यक्रम संयोजक सुमित डंगोलले जानकारी दिए।
उक्त क्याम्पमा फुटबल,क्रिकेट,बास्केटबल,रोलर स्केट,उसुका विशेष प्रशिक्षण सत्र संचालन हुने डीपीएस स्कुल विराटनगरले जनाएको छ।
दिउसो ४ बजेदेखि बेलुका ६ बजेसम्म डीपीएस स्कुल विराटनगरको खेल मैदानमा समर क्याम्प संचालन हुनेछ। उक्त क्याम्पमा जुनसुकै विद्यालयका विद्यार्थीहरु सहभागी हुन सक्ने र २५०० रुपैयाँ शुल्क बुझाउनु पर्ने छ। भने उक्त शुल्कमा खाजा,टी-सर्ट र विशेष प्रशिक्षण कक्षा लिन सकिने आयोजकले जनाएको छ।
