विराटनगर । भारत अररिया जिल्ला डुमरियाकी ३६ वर्षीया नुजाहा खातुन दशौं सन्तानकी आमा बनेर फर्केकी छिन् ।
उनी भारतबाट विराटनगरमा प्रसुती गराउन जेठ ३२ गते आएकी थिइन् । विराटनगर–७ रंगेली रोडमा रहेको मकालु एभरेष्ट हस्पिटलमा भर्ना भएकी उनी दशौं सन्तान लिएर १५ दिनपछि घर फर्केकी हुन् ।
भारतमा राम्रो उपचार नहुने लागेपछि खातुन विराटनगर आएकी थिइन् । उनले कलिलै उमेरमा नौजना सन्तानलाई जन्म दिईसकेकी थिइन् । स्वास्थ्य एकदम कमजोर भएपछि विराटनगरमा उपचार गराउने निर्णयमा पुगेकी थिइन् । गत जेठ ३२ गते मकालु एभरेष्टमा भर्ना भएकी खातुनलाई आईसीयूमा राखेर हेरचाह गर्नुपर्ने थियो । उपचारमा संलग्न चिकित्सक विभा मण्डलका अनुसार आमाको स्वास्थ्य कमजोर भएका कारण समस्या थियो । स्वासप्रश्वासमा पनि समस्या देखिएको उनको पाठेघरमा पनि जटिलता थियो ।
अस्पतालका बरिष्ठ प्रसुती तथा स्त्रीरोग विशेषज्ञ बिभा मण्डलको टिमले खातुनलाई पूर्ण हेरचाह गरेर प्रसुती गराउन सफल भएको थियो । उनले दशौं सन्तानलाई जन्म दिएकी उनमा शारिरीक कमजोरी धेरै देखिएको थियो ।
