विराटनगर। लियो क्लब अफ विराटनगरले आयोजना गरेको सुपर सिक्स क्रिकेट प्रतियोगिताको उपाधि सप्तरीको राजविराजले जितेको छ ।
विराटनगर–६ स्थित म्यारीबोन ज्याला क्रिकेट मैदानमा सोमबार भएको फाइनल खेलमा दुहबीलाई ४ विकेटले पराजित गर्दै राजविराजले उपाधि जितेको हो।
निर्धारित ५ ओभरको खेलमा राजविराजले ६ विकेट गुमाउदै ९५ रनको योगफल तयार पारेको थियो । ९६ रनको लक्ष्य पाएको दुहबीले निर्धारित ५ ओभरमा सबै विकेट गुमाउदै ५२ रन बनाएको थियो।
पाँच ओभरमा भएको खेलको एक टीममा ६ जना खेलाडी समावेश गरिएको खेल संयोजक महबुब इराकीले जानकारी दिए । प्रतियोगितामा प्रथम हुने टीमले नगद ७५ हजार, दोस्रो हुनेले ४० हजार र ट्रफी प्राप्त गरेका छन्।
