विराटनगर । आमसर्वसाधरणलाई प्रहरी हुँ भन्दै धाक धम्की दिएर पैसा असुली गर्ने एक नेपाल प्रहरीका भुपु प्रहरी निरीक्षक (ईन्सपेक्टर ) पक्राउ परेका छन् ।
विराटनगर महानगरपालीका ८ का ५८ वर्षीय गणेशमान श्रेष्ठलाई जिल्ला प्रहरी कार्यालय मोरङको टोलीले असुली गरेको रकम सहित सोमबार दिउँसो पक्राउ गरेको हो ।
प्रहरी हुँ भन्दै विराटनगर ६ का राजकुमार भगतबाट नगद १० हजार रुपैयाँ लिएको प्रमाणसहित नियन्त्रणमा लिएको जिल्ला प्रहरी कार्यालय मोरङका प्रहरी प्रवक्ता डिएसपी ज्ञानेन्द्र बहादुर बस्नेतले जानकारी दिए ।
श्रेष्ठलाई नियन्त्रणमा लिएर अनुसन्धान सुरु गरिएको छ, ’उनले भने,‘अहिले घटनाको थप अनुसन्धान भईरहेको छ ।’ अन्य व्यक्तिहरुबाट पनि पैसा असुली गरेको हुन सक्छ, त्यसमा हामी लागि परेका छौँ । थप अनुसन्धानपछि मात्र अरु कुरा खुल्ने प्रवक्ता बस्नेतले बताए ।
