विराटनगर । विराटनगर महानगरपालिका वडा नम्बर १ ले ८० वर्ष माथिका ज्येष्ठ नागरिकलाई टेबल पंखा वितरण गरेको छ ।
सोमबारदेखि वडा अध्यक्ष काजीबहादुर बस्नेतको नेतृत्वको टोलिले ८० वर्षभन्दा माथि उमेरका ज्येष्ठ नागरिकहरूलाई पंखा उपलब्ध गराउन थालेको हो । पहिलो दिन ४० जना ज्येष्ठ नागरिकलाई पंखा वितरण गरिएको वडाध्यक्ष बस्नेतले जानकारी दिएका छन् ।
त्रिवेणीमार्गस्थित ज्येष्ठ नागरिक चौतारीमा आयोजित कार्यक्रममा आउन नसकेकाहरुको घरमै पुगेर पंखा उपलब्ध गराइएको थियो । वडाभित्र १ सय ७० जना ८० वर्षमाथिका ज्येष्ठ नागरिक रहेको तथ्यांकमा उल्लेख छ ।
उनीहरू सबैलाई टेबल पंखा वितरण गरिनेछ । स्वास्थ्य स्वयम्सेवीकाहरुले वडाभर रहेका ज्येष्ठ नागरिकको पहिचान गरेर लगत संलन गरेका थिए ।
