विराटनगर । जीम एण्ड फिटनेस क्लवले प्रायः बिहान र साँझ सेवाग्राहीलाई सेवा दिने गर्दछन् । फिटनेसका लागि समय छनौट गर्नेहरुले पनि बिहान वा साँझ नै छान्छन् । तर, विराटनगर–४ कन्चनबारीको सजिलो फिटनेटले दिउँसो पनि जीम खुल्ला गर्ने भएको छ ।
सञ्चालक सन्जय साहका अनुसार गृहणी महिलाहरुलाई लक्षित गर्दै दिउँसोको समयमा जीम खुल्ला गरिने भएको हो । घरायसी काम सकेर एक घण्टाको समय शारिरीक अभ्यास गर्न चाहेमा उनीहरुका लागि अवसर दिन खुल्ला गरिएको साहले बताए । साहले भने आफ्नो छोराछोरी पनि विद्यालय जाने, घरमा एक्लै बसेर टिभी वा मोवाइल हेरेर दिन कटाउँदा मानसिक तथा शारिरीक समस्या आउन सक्ने संभावना धेरै हुन्छ । यस्तो समयलाई जीममा गएर शारिरीक व्यायम गरौं भन्ने महिलाहरुका लागि सहज वातावरण सिर्जना गरिएको साहले बताए ।
सजिलोले केहिदिन अगाडी स्वास्थ्य शिविर समेत सञ्चालन गरेको थियो । शिविरमा जीम गर्ने गृहणी महिलाहरुको स्वास्थ्यमा सकारात्मक सुधार आएको पाइएको थियो । त्यसपछि दिउँसो समेत अवसर दिदाँ अन्य महिलालाई समेत सहज बाटो खुल्ला गर्ने निर्णय गरिएको साहले बताए ।
