विराटनगर असार २२, सम्राट स्पोर्टिङ क्लबले यस बर्षको मोरङ जिल्ला ए डिभिजन लिग बिजेता आफ्नो खेलाडीलाई एक कार्यक्रम बिच सम्मान गरेको छ । कोशी प्रदेशका मुख्यमन्त्री हिक्मत कार्कीले सम्पुर्ण खेलाडी तथा क्लबका सहयोगीहरुलाई सम्मान गर्नुभएको हो ।
सम्मान कार्यक्रमका प्रमुख अतिथि हिक्मत कार्की, बिराटनगरका पुर्बप्रधान पन्च राम कृष्ण भट्टराई, क्लबका संरक्षक सन्तोष बानियाँ बिराटनगर महानगर वडा अध्यक्ष ३ बासु बस्नेत , पुर्ब वडा अध्यक्ष ३ बिनोद बस्नेत, युवा समाजसेवी कृष्ण कार्की लगायतको कार्यक्रम उपस्थिति रहेको थियो भने कार्यक्रमको सभापति क्लबका अध्यक्ष किरण गिरिले गर्नु भएको थियो ।
क्लबले मनोज चौहान ,कोहिनुर प्लाइ, जानकी पोलिटेक,बिराटनगर वडा न १ ,माननीय अमनलाल मोदि, रामकृष्ण भट्टराई, नरेश राठि, डम्बर राई, राजिब निरौला ,न्युरो हस्पिटल, एजेलिया स्कुल ,ओम शर्मा, कुमार खतिवडा र पारस हस्पिटल लाई पनि उक्त प्रतियोगित को लागि आर्थिक सहयोग गरेकोमा सम्मान गरेको छ। यस्तै कार्यक्रममा सर्कल अफ फिफ्थ म्युजिकल ब्याडलाई पनि सम्मान गरेको थियो ।
