विराटनगर । विराटनगर महानगरपालिका ७ स्थित रंगेली रोडमा "ऐना द स्किन हेर एण्ड लेजर क्लिनिक" सञ्चालनमा आएको छ।
असार ३१ गतेदेखि सेवा सुरु गरेको यस क्लिनिकको उद्घाटन विराटनगर महानगरपालिकाका मेयर नागेश कोइरालाले गरेका हुन्।
छाला रोग विशेषज्ञ डा. बिबिषा बानियाका अनुसार, यस क्लिनिकले छाला रोग, यौन रोग र सौन्दर्य सम्बन्धी विभिन्न सेवाहरू प्रदान गर्दछ। विशेष गरी हाइड्रफेसिअल, पील, र लेजर थेरापी जस्ता आधुनिक उपचार विधिहरू यहाँ उपलब्ध छन्। क्लिनिकले अत्याधुनिक र विश्वसनीय उपकरण तथा प्रविधि प्रयोग गर्ने दाबी गरेको छ, जसले गर्दा सेवाग्राहीहरूले सुरक्षित र प्रभावकारी उपचार प्राप्त गर्न सक्नेछन्। मेयर कोइरालाले यस क्लिनिकको स्थापनाले विराटनगरवासीलाई गुणस्तरीय स्वास्थ्य सेवा प्रदान गर्न ठूलो योगदान पुर्याउने विश्वास व्यक्त गरेका छन्।
यो नयाँ क्लिनिकको स्थापनाले विराटनगर क्षेत्रमा स्वास्थ्य सेवाको विस्तार र आधुनिकीकरणमा महत्त्वपूर्ण योगदान पुर्याउने अपेक्षा गरिएको छ।
