विराटनगर । विराटनगर–९ मा रहेको ग्रीनल्याण्ड कलेजले कक्षा ११ मा भर्ना भएका विद्यार्थीहरुलाई लक्षित गरी एक दिने अभिमुखिकरण गोष्ठी सम्पन्न गरेको छ ।
कलेजले सञ्चालन गरेको कक्षा ११ विज्ञान र व्यवस्थापन ११ औं ब्याचमा भर्ना भएका विद्यार्थीहरुलाई कलेजको बारेमा जानकारी गराएको थियो ।
विज्ञान संकासयमा ३ सय ५४ र व्यवस्थापन संकायमा २ सय ३ जना विद्यार्थीहरु भर्ना भएको कलेजले जनाएको छ । कार्यक्रममा कलेजका कलेजका निर्देशकद्वय रविन्द्र घिमिरे र शिवनारायण यादवले कलेजको बारेमा जानकारी गराएका थिए भने कलेजका निर्देशक विपि निरौला र शिक्षक भवानी दाहाले शुभकामना दिए ।
कक्षा–११ मा भर्ना भएको विर्द्याीहरु गरिमा तिम्सीना, लिलाकान्त झा, अस्मीता गोइत,आरजु पौडेल र सुमित चौधरीले बोलेका थिए । एसईईमा तिम्सीनाले ३.९१, झाले ३.९४, गोइतले ३.७८ पौडेलले ३.६५ र चौधरीले ३.७३ जिपिए ल्याएका थिए ।
