विराटनगर । लोकप्रिय गायक तथा गीतकार लक्ष्मीप्रसाद (एलपी) जोशीको ८८ वर्षको उमेरमा निधन भएको छ।
'रिटिङ रिटिङ नबजाउ बिनायो' गीतका सर्जक जोशीको बिहीबार राति दमकस्थित लाइफलाइन अस्पतालमा उपचारका क्रममा निधन भएको हो ।
उनी लामो समयदेखि मधुमेह रोगबाट पीडित थिए। जोशीले २०१३ सालमा रेडियो नेपालमा पहिलो गीत रेकर्ड गराएका थिए। त्यसपछि २०२२ देखि २०२९ सालसम्म रेडियो नेपालमा जनकवि केशरी धर्मराज थापासँग काम गरेका थिए। उनका 'रिटिङ रिटिङ नबजाउ बिनायो' र 'वल्लो खोलो हो पल्लो खोलो कमिलाको गोलो' जस्ता गीतहरू अत्यन्त लोकप्रिय छन्।
जोशीको शुक्रबार बिहान कनकाई माईमा अन्तिम संस्कार गरिएको छ ।
