विराटनगर । लायन्स क्लब अफ विराटनगर एक्जीक्यूटिवले बुढीगंगा-2 स्थित लोटस पब्लिक स्कुलको नवनिर्मित भवन विद्यालय व्यवस्थापन समितिलाई हस्तान्तरण गरेको छ। "जहाँ आवश्यकता त्यहाँ लायन्स" भन्ने मूल नाराका साथ यो परियोजना सम्पन्न गरिएको हो।
उद्घाटन समारोहमा लायन्स क्लब अफ विराटनगर एक्जीक्यूटिवका सन् 2022/23 का अध्यक्ष लायन प्रतिश अग्रवाल, लायन्स इन्टरनेसनल डिष्ट्रीक ३२५० का लायन विकाश अधिकारी (प्रमुख अतिथि), र डिष्ट्रीक ३२५ का निर्वतमान गभर्नर लायन विजय हरि शर्मा लगायतको उपस्थिति रहेको थियो।
भवनको औपचारिक उद्घाटन लायन विकाश अधिकारी र लायन विजय हरी शर्माले संयुक्त रूपमा गरे। कार्यक्रममा बोल्दै सभापति अग्रवालले भविष्यमा पनि आवश्यकता भएका विद्यालयहरूलाई यस्तै सहयोग गर्ने प्रतिबद्धता व्यक्त गरे।
विद्यालय व्यवस्थापन समितिका अध्यक्ष अनुप देवले लायन्स क्लब अफ विराटनगर एक्जीक्यूटिवलाई प्रशंसा पत्र र माया चिनो प्रदान गरी सम्मान गरे। यसैगरी, समारोहमा वरिष्ठ समाजसेवी देवकी नन्दन अग्रवाललाई पनि विशेष सम्मान गरियो।
