विराटनगर । विराटनगरमा शनिबार राती स्कुटी र मोटरसाईकल एक आपसमा ठोक्किँदा ३ जना गम्भिर घाईते भएका छन् । विराटनगर महानगरपालीका वडा नम्बर १२ र १३ को सिमानामा रहेको रानी सिकीयाई नहर चौकमा शनिबार राती ९:४० बजेको समयमा एक आपसमा दुई सवारी साधन ठक्कर खादा दुर्घटनमा परेको थियो ।
जोगबनी तर्फबाट आउँदै गरेको को १६ प ६७८९ नम्बरको मोटरसाइकल र रोडशेषबाट जोगवनी तर्फ जादै गरेको प्र – १–०४–००१ प ८००२ नम्बरको स्कुटर एक आपसमा ठक्कर खाई दुर्घटना हुदाँ स्कुटिमा सवार ३ जना घाइते भई अस्पतालमा भर्ना भएका छन् ।
घाईतेहरुमा विराटनगर १५ बस्ने ३६ को सन्देश राई, ४० उदय मण्डल र विरानटगर १२ का ४२ वर्षीय भीम केसी घाईते भएका छन् । उनीहरु तीनै जना स्कुटीमा सवार थिए । उदय मण्डलको न्युरो अस्पतालमा उपचार भईरहेको छ भने राई र केसीको कोशी अस्पतालमा उपचार भईरहेको छ । मोटर साईकल चालक मोरङ सुन्दर हरैचा ४ बस्ने मोटरसाईकल चालक २६ वर्षीय अभिष गौतमलाई ईलाका प्रहरी कार्यालय रानी विराटनगरले नियन्त्रणमा लिई थप अनुसन्धान गरिरहेको मोरङ प्रहरीले जनाएको छ ।
