विराटनगर । विराटनगर-१५ स्थितबाट लागुऔषध ब्राउन सुगरसहित दुई जनालाई प्रहरीले पक्राउ गरेको छ ।
आइतबार दिउँसो लागुऔषध नियन्त्रण ब्युरो विराटनगरबाट खटिएको प्रहरी टोलीले मधेश प्रदेश ००१-००५ प ०६४४ नम्बरको स्कुटरलाई चेकजाँच गर्दा स्कुटरमा सवार रहेका सप्तरीका २५ वर्षीय जिवन प्रकाश साह र विराटनगर-१३ का २६ वर्षीय श्रवण खड्कालाई १ ग्राम ८ मिलिग्राम ब्राउन सुगरसहित पक्राउ गरेको हो ।
पक्राउ परेका उनीहरुको इलाका प्रहरी कार्यालय रानीबाट थप अनुसन्धान भईरहेको प्रहरीले जनाएको छ ।
