विराटनगर । कोशी प्रदेशमा एकवर्षको अवधीमा तीन हजार ५६३ सवारी दुर्घटना भएका छन् । कोशीका १४ जिल्लामा भएको दुर्घटनामा एकवर्ष भित्र ३९७ जनाको मृत्यु भएको छ भने ६ हजार ७६ जना घाईते भएका छन् ।
कोशी प्रदेशमा आथिएक वर्ष २०८०÷२०८१ मा दुईलाख ५५ हजार ९१२ सवारीका धनी कारवाहीमा परेका छन् । यो कारवाहीबाट १७ करोड ३१ लख १५ हजार ९०३ रुपैँया राजस्व संकलन भएको तथ्यांक छ ।
कोशी प्रदेशभर गत आर्थिक वर्ष सवारी दुर्घटनामा ज्यान गुमाउनेको संख्या अघिल्लो आर्थिक वर्षहरुमा भन्दा कम भएको छ । आर्थिक वर्ष २०७९÷२०८० मा तीन हजार ५१० सवारी दुर्घटना हुँदा ४१२ जनाको मृत्यु पाँच हजार ६०७ जना घाईते भएका थिए । तीन लाख १ हजार ८७१ सवाी धनी कारवाहीमा पर्दा २० करोड सात लाख ३५ हजार ५०० जरिवाना असुल भएको थियो ।
आर्थिक वर्ष २०७८÷२०७९ मा तीन हजार ८२० सवारी दुर्घटनामा परेका थिए । जसमा ५३१ जनाको मृत्यु र ६ हजार ६४८ जना घाईते भएको तथ्यांक छ । प्रहरीले २ लाख ६९ हजार ८२३ सवारी कारवाही गर्दा १८ करोड एकलाख ५८ हजार राजस्व संकलन भएको थियो ।
