विराटनगर । विराटनगर-६ सरौचियामा रहेको श्री दुर्गा मन्दिरमा प्राण प्रतिष्ठा समारोह हुने भएको छ।
भदौ २५ गतेदेखि ३० गतेसम्म भव्य प्राण प्रतिष्ठा समारोह आयोजना हुने भएको हो ।
श्री दुर्गा मन्दिर प्राण प्रतिष्ठा समारोह आयोजक समितिका अनुसार कार्यक्रम भदौ २५ गते मंगलबार बिहान मण्डप पूजा र पूर्वाङ्गिका विधिबाट शुरु हुनेछ। त्यसपछि भदौ २८ गते शुक्रबार बिहान श्रद्धालुहरूले विराटनगरको प्रमुख मार्गहरूमा विशाल नगर परिक्रमा गर्नेछन्।
भदौ २९ गते शनिबार बिहान पूर्णाशुती पश्चात् भक्तजनहरूलाई टीका र प्रसाद वितरण गरिनेछ। कार्यक्रमको समापन भदौ ३० गते आइतबार हुने २४ घण्टे अष्टजाम कार्यक्रमसँगै हुनेछ । जसमा निरन्तर भजन कीर्तन र पूजा आराधना हुने आयोजकले जनाएको छ । समारोह आयोजक समितिकाले यो कार्यक्रम केवल धार्मिक मात्र नभई सामाजिक एकता र सांस्कृतिक संरक्षणको प्रतीक पनि भएको बताएको छ ।
