विराटनगर । विराटनगर-१४ मलाया रोडमा भैंसीसँग कार ठोकिएर अनियन्त्रित हुँदा चारजना घाईते भएका छन् ।
सडकमा एक्कासी भैंसीसँग ठोकिएको कार अनियन्त्रित भएर एकसय मिटर दुरीमा पल्टिएको हो । बा १९ च २६१८ कारमा सवार एमडी हलिम र रिचा जैन सामान्य घाईते छन् ।
भैंसी घटना स्थलमै ठहरै मरेको छ । भैंसीमा ठोकिएर कार अनियन्त्रित हुँदा को.१५ प ६३८७ नम्बरको मोटरसाइकललाई ठक्कर दिएको थियो । त्यसमा सवार विराटनगर १८ का देवानन्द यादव र अनिता राजलक्ष्मी यादव सामान्य घाइते भएका छन् ।
घटनाको थप विवरण आउन बाँकी छ ।
