विराटनगर असोज ९ ,
विराटनगर २ मुनालपथस्थित एक पसलमा आगलागी भएको छ । विराटनगरको भब्य इन्टरनेसनलमा ब्याट्री पड्किएर आगो लागेको प्रारम्भिक जानकारी रहेको छ । उक्त पसलमा बिजुलीबाट चल्ने साइकल तथा सिटि सफारी बेचिने गरेको थियो । अहिले विराटनगर महानगरपालिकाको दमकलले आगो निभाउने प्रयास गरिरहेको छ । अहिले ३ वटा दमकलले आगो निभाउने प्रयास गरिरहेका छन् । आगो लागेको २० मिनेट सम्म पनि दमकल नआएको भन्दै स्थानीयले दुखेसो पोखेका छन् ।
आगो के कारणले लागेको हो भन्ने निस्कर्ष निस्किएको छैन ।
