विराटनगर । लायन्स अन्तराष्ट्रिय ले नेपालको बाढी पीडित तथा प्रभावितको लागि एकलाख अमेरिकी डलर तत्कालिन राहत वितरणका लागि स्वीकृत गरेको छ । लायन्स अन्तराष्ट्रिय फाउन्डेशनले नेपालमा बाढी पीडितका लागि आपतकालिन सहयोग अन्तर्गत यो रकम हस्तान्तरण गरेर वितरण गर्ने तयारी गरेको हो ।
जसमध्ये लायन्स क्लव डिस्ट्रिक ३२५ सी ले पन्ध्र हजार अमेरिकी डलर बराबरको सहयोग कोशी प्रदेशमा वितरण गर्ने गर्भनर विकास अधिकारीले जानकारी दिएका छन् । ‘हाम्रो डिष्ट्रिक ३२५ सी ले कोशी प्रदेशमा अन्तराष्ट्रिय पोलिसी अनुसार पन्ध्र हजार डलरको सहयोग तत्काल राहत स्वरुप उपलब्ध गराउने छ, अधिकारीले भने–बाढी बाट उच्च जोखिममा परेका नागरिकसम्म राहत पु¥याउने छौं ।
पछिल्लो तीन दिनमा समेत पूर्वी नेपालका ९ जिल्लामा बाढीको जोखिम रहेको जल तथा मौसम विज्ञान विभागको बाढी पूर्वानुमान महाशाखाले जनाएको छ । महाशाखाले बुधबार बिहान जारी गरेको सूचना अनुसार ताप्लेजुङ, संखुवासभा, पाँचथर, तेह्रथुम, धनकुटा, इलाम, झापा, मोरङ र सुनसरी तथा आसपासका जिल्लामा बाढीको मध्यम जोखिमको सम्भावना छ । त्यसैले आगामी तीन दिनसम्म उच्च सतर्कता अपनाइराख्न महाशाखाले अनुरोध गरेको छ ।
