काठमाडौं । राष्ट्रिय स्वतन्त्र पार्टीका सभापति रवी लामिछानेले अब चाडपर्वको बेलामा आम नागरिकलाई सेवा दिने सन्दर्भमा सरकारलाई सुझाउने बताएका छन् ।
बुधबार पार्टी कार्यलय बनस्थलीमा भएको छलफलमा उनले हिजोसम्म सरकारले यो किन गरेन यस्तो किन ग¥र्या भनेर आलोचना र टिकाटिप्पणी गरेतापनि अब सरकारको आलोचना मात्र नगरी सल्लाह सुझाव पनि दिने बताएका हुन् ।
उनले भने, ‘अब हामी दोस्रो मोडमा आएका छौं । हिजोसम्म हामीले सरकारले यो किन गरेन यस्तो किन ग¥र्यो भनेर आलोचना र टिकाटिप्पणी ग¥यौं । अब यो चाडपर्वका बेलामा आम नागरिकलाई कसरी सेवा दिने । सरकारलाई कहाँ कहाँ हामीले साथ दिने र कुन ठाउँमा खबरदारी गर्ने हो गर्ने छौं । हामीले अब आलोचना होईन सरकारलाई सल्लाह सुझाव दिने छौं ।’
उनले बाढी–पहिरो विपद्मा परेका नागरिकहरुको उद्दार कार्यमा रास्वपाको कार्यकर्ता सबैभन्दा बढि खटेको भएतापनि प्रचार प्रसार भने कम गरेको बताए ।
उनले अब सरकारको आलोचनालाई सकाएर सहयोगको चरणमा रास्वपा आइपुगेको भन्दै एउटा राजनीतिक दलको जिम्मेवारी पूरा गर्नका लागि अब सरकारको सहयोगी भन्ने बताए ।
