विराटनगर । विराटनगरमा 'हेरिटेज किचन' संचालनमा आएको छ ।
स्वादका पारखीहरु तथा अतिथ्यताको चाहनालाई मध्यनजर गर्दै विराटनगरको जलजला चौकमा बिहीबारदेखि किचन संचालनमा आएको हो।
युवा व्यवसायी दिपेन्द्र घिमिरे र संजीव बस्नेतले संयुक्त लगानीमा सुरु गरेको यस किचनमा स्थानीय र अन्तर्राष्ट्रिय परिकारको विविध मिश्रण पाइन्छ। संचालक दिपेन्द्र घिमिरेका अनुसार, "हेरिटेज किचनमा म:म, थकाली खाना, बर्गर, पिज्जा, स्पाइसी विंग म:म र चिकेन टिमुरे यहाँको विशेष परिकारको रुपमा रहेका छन्।"
त्यसैगरी, भेज परिकारमा मुस्ताङ आलु, पनिर पकौडा र क्याफी रोल लगायतका व्यञ्जन पनि उपलब्ध रहेको उनले जानकारी दिए।
किचन संचालनमा आएको अवसरमा दशैँभरी १० प्रतिशतसम्म छुटको व्यवस्था गरिएको अर्का संचालक संजीव बस्नेतले जानकारी दिए।
